|
КУТИЛМАГАН ЖАРОҲАТ ЧАГАЕВНИНГ МУТЛОҚ ЧЕМПИОНЛИК ОРЗУСИГА ПАНД БЕРДИ
|
[
]
| 27.06.2008, 19:25 |
0944.uz – Шу йил 5 июль куни Германиянинг Ганновер шаҳри яқинидаги Халле шаҳарчасида ўтказилиши режалаштирилган WBA йўналиши бўйича ўта оғир вазнда амалдаги жаҳон чемпиони Руслан Чагаев ва ушбу камарга даъвогар Николай Валуев ўртасидаги чемпионлик беллашуви яна қолдириладиган бўлди.
Бу кутилмаган хабар кеча пайшанба куни кечга яқин Universum Box-Promotion промоутерлик компаниясига таянган ҳолда Россия ахборот агентлиги томонидан тарқатилди. Бўлмаса, пайшанбанинг тонги Руслан Чагаев учун буткул бошқача бошланган эди.
У немис журналистларига интервью берар экан, Валуевга қарши жангга тайёргарлик тўлиқ режа остида кетаётганлигидан қониқиш ҳосил қилаётганлигини билдирганди.
«Ўзимни жуда яхши жисмоний спорт формасида эканлигимни ҳис қилиб турибман. Тренерим билан биргаликда бўлғуси жанг учун хилма-хил тактикани ишлаб қўйдик. Менинг вазифам – аввалги ғалабам шунчалик бир омад эмаслигини исботлаб бўлғуси жангда ғалаба қозониш, кейинчалик эса мутлоқ чемпионликни қўлга киритиш», - дея баралла ўз ниятини эълон қилганди Руслан Чагаев.
Аммо пайшанба куни тушдан кейин спарринг машқлари якунланай деб қолган бир пайтда чап оёғининг нозик пайлари лат еди.
«У чап оёғини катта бир қадам билан орқага ташлаган ҳамоно қирсиллаган овозни эшитдим, - жароҳатни шарҳлаб берди Чагаевнинг мураббийи Михаэль Тимм. – Ўша лаҳзада жуда ёмон бир нарса юз берганини тушундим».
«Орқамдан кимдир худди оёғимга тош билан ургандек бўлди, - ҳиссиётини яширмади Чагаев. – Бу менинг спорт фаолиятимдаги энг катта афсусланарли ҳолат бўлди. Аммо мен яна қайтаман!».
Юз берган кўнгилсизлик ҳамоно Русланни Гамбург шифохонасига келтиришганда тиббиёт ходимлари унга «тўлиқ пайларнинг узилиши» ташхисини қўйишди. Шифокор Михаэль Энертнинг айтишича, спортчи душанба куни операция қилиниши керак бўлади. Ҳаммаси кўнгилдагидек ўтган тақдирда ҳам Чагаев бир муддат машқларни тўхтатиб туришига тўғри келади, аммо у йил охиригача яна рингга қайтиши мумкин. Шундай қилиб, кутилмаган жароҳат Чагаевнинг мутлоқ чемпионлик орзусига панд берди.
Эслатиб ўтамиз, бу турли сабабларга кўра жангнинг иккинчи бора қолдирилишидир. Биринчи марта жанг 30 май куни ўтказилиши режалаштирилган, бироқ кейинчалик Русланнинг қаттиқ шамоллаши туфайли 5 июлга кўчирилган эди. Ўша пайтда Валуев агар жанг яна бир бор қолдириладиган бўлса, WBA чемпионлик камарини Чагаевдан олиб қўйиб, ўзи билан рейтинги бўйича бирор бир бошқа боксчи – америкалик Жон Руис ўртасида жанг белгиланиши лозимлигини айтган эди.
Ўзбек бокс мактабининг ёрқин вакили Чагаев Валуев устидан қозонилган ғалабадан кейин 2008 йилнинг январида британиялик Мэтт Скелтон устидан очколар бўйича устун келган. Россиялик боксчи эса ўтган йилнинг сентябрида канадалик Жан-Франсуа Бержеронни очколар бўйича, шу йилнинг февралида эса белорус Сергей Ляхович устидан ғалабага эришган эди.
|
| Категория: Boks-Бокс | Добавил: shera
|
| Просмотров: 1038 | Загрузок: 0
|
Добавлять комментарии могут только зарегистрированные пользователи. [ Регистрация | Вход ] |
|
| Друзья сайта |
Diqqat!
Agarda kimda kinolar ko'rsatmasa! U holda Online kinolarni ko'rishlik uchun Mozilla Firefox yoki Opera dan foydalaning va albatta kinolarni muammosiz ko'rish sharafiga ega bo'lasiz!!
Внимание!
У кого не загружаются фильмы, скачиваем и устанавливаем браузер Mozilla Firefox или Opera через него все работает!! |
| Статистика |
Онлайн всего: 1 Гостей: 1 Пользователей: 0 |
|
-:::_-SporT Saxifasi®-_:::- 
